湯告魯斯新片於東京作全球首映 憶述電影系列近三十年點滴

湯告魯斯新片於東京作全球首映 憶述電影系列近三十年點滴

靚佬湯湯告魯斯去到日本為特務電影系列最終章宣傳，聯同導演 Christopher McQuarrie 以及演員Hayley Atwell、Simon Pegg、Trammell Tillman 及 Pom Klementieff 現身記招，分享電影系列一拍就拍咗近30年，靚佬湯都相當感慨，因為電影拍得好細緻同有挑戰性，所以要花好多時間先完成。

講到系列好拍檔，不得不數為電影系列加入喜感，又成日差啲搞衰任務嘅Simon，兩人眨眼就合作咗20年，Simon話整個過程都包含咗努力、體驗同美好時光。Tom話Simon第一日嚟到，就畀咗三頁對白對方，但當日已經覺得Simon好出色，好有才能同喜感。

系列除咗遊走唔同地方拍攝，每次都成為經典嘅亡命動作場面，今次除咗有上太空嘅動作戲，亦有喺飛機飛行中爬出機外，為咗呢幕畫面，連導演都親身爬出機外體驗感受下。靚佬湯話到有強風吹下爬出機外，係難以呼吸，要不停搵方法去繼續呼吸，佢亦要特別鍛練加強肌肉去應付呢幕演出。

靚佬湯選擇東京作為全球首映，過千粉絲一早到場支持，佢亦相當親民走近群眾簽名合照，簽名足足簽咗成個鐘。

#湯告魯斯 #東京 #全球首映 #電影系列 #近30年 #最終章 #宣傳 #回顧點滴 #亡命場面 #爬出機艙 #呼吸困難 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0